मी . . . .

'मी' एक उनाड वारा,

पण प्रकृतीशी समतोल साधणारा . . .

'मी' एक खळखळणारा झरा,

पण पावसातच वाहणारा . . . 

'मी' एक उत्तुंग श्वास,

पण सतत कोणाशी तरी बांधलेला . . . 

'मी' एक नाजुक भावना, 

पण सतत दुसर्यांच्या भावविश्वात रमलेला . . .

'मी' जबाबदारीने वेढलेला,

पण सतत कर्तव्यासाठी तत्पर असलेला . . . 

'मी' एक थकलेले झाड,

पण दुसर्यांना सावली देण्यासाठी उभा असलेला . . . 

'मी' शब्दात व्यक्त करणे कठीन,

पण नेहमी दुसर्यांच्या मनातले जाणणारा . . . 

'मी' कोण ? , 'मी' काय ?

पण एक प्रश्नचिन्ह भासणारा . . . 

तरीही असा 'मी' लोकांसाठी विदूषक,

तर स्वतासाठी वेडयाचे स्वरुप घेतलेला,

कारण असे म्हणतात ह्या बनावटी विश्वात वेडेच सुखी राहु शकतात . . .

- दीपक पारधे