विरहात तुझ्या . . .

काय सांगू सखे जिव माझा दाटला,
विरहात तुझ्या प्रत्येक क्षण मोठा वाटला . . .

कधी प्रीत ही जडली काही कळलेच नाही,
न सोसावले हे सगळे पापण्या ओलावल्या काही,
न बोलवे आता काय घोळ मनाने घातला,
विरहात तुझ्या प्रत्येक क्षण मोठा वाटला . . .

कळले नाही का असे घडले,
क्षणात असे हे पत्यांचे घर हे कोसळले,
प्रितीचा झुला माझा वारयाने मोडला,
विरहात तुझ्या प्रत्येक क्षण मोठा वाटला . . .

सांग ना काय हे माझे चुकले,
सुखासाठी तुझ्या मी स्व:ताला मारले,
तीर असा हा काळजात घुसला,
विरहात तुझ्या प्रत्येक क्षण मोठा वाटला . . .

छंद तुझ्यामुळे मज लागला होता,
कवितेतून तो बहरला होता,
कोण करेल आता स्तुति माझी, हा प्रश्न मनी पडला,
विरहात तुझ्या प्रत्येक क्षण मोठा वाटला . . .

माफ़ कर मला जर घडली काही चुकी,
न बोलण्याचा तुझ्या, घोर मनाला लागला,
विरहात तुझ्या प्रत्येक क्षण मोठा वाटला . . .


- दीपक पारधे