धावती लोकल . . .

धावती लोकल . . .  धावती लोकल . . .  

ठाणे ते सी.एस.टी., सी.एस.टी., ते दादर,

कुर्ल्यावरून वेगळी लाईन, बोलतात त्याला हार्बर,

धावती लोकल . . .  धावती लोकल . . .

कल्याण वरून दोन मार्ग,

एक कर्जत, एक कसारा,

कर्जत ते खोपोली, लागतो गार वारा,

धावती लोकल . . .  धावती लोकल . . .  

सेंट्रल, वेस्टर्न, हार्बर,

असे तीन हिचे भाग,

मुंबईच्या कोपरया - कोपरयातुन  धावतो जसा नाग,

धावती लोकल . . .  धावती लोकल . . .  

पहिली ट्रेन इथेच धावली,

याचा आहे मोठा इतिहास,

कुठून पसरली भारतभर, याचा केला का हो अभ्यास,

धावती लोकल . . .  धावती लोकल . . .  

मुंबईची लाईफ लाईन ही,

आहे आमचा श्वास,

बंद पडली की जीव जातो, होतो आम्हाला त्रास,

धावती लोकल . . .  धावती लोकल . . .  

म्हणून म्हणतो बाबांनो, जरा घ्या हिची काळजी, 

म्हणून म्हणतो बाबांनो, जरा घ्या हिची काळजी, 

प्राण पण जाईल, श्वास पण तुटेल जर कराल तुम्ही हलगर्जी,

अशी ही धावती लोकल . . . धावती लोकल . . .

- दीपक पारधे